CERAUNIA sive CERAUNII

CERAUNIA, sive CERAUNII

montes in finibus Epiri, in mare usque extensi, ubi Ionium mare ab Adriatico separatur: Ita dicti a fulminibus, quibus saepe impetuntur, Ovid. l. 2. de Pont. Eleg. 6. v. 9.

Cum poteram rectô transire Ceraunia velô,

Ut fera vitarem saxa, monendus eram.

Lucanus, l. 5. v. 652.

------ Scopulosa Ceraunia nautae

Summa timent. ------

Praerupta Ceraunia Ovidio Met. l. 15. v. 704. Sunt in Chaonia regione versus Oeneum sinum. Nunc a Chimera oppid. Monti di Chimera. Sunt ab Occasu in Ortum extensi, inter Albaniam et Epirum. Vix 50. milliar. a Corcyra Insul. in Boream. Baudrand. Vide Acroceraunium.